காலம் கடந்த காதல்கள்
நட்பாக உருவகிக்கபடுவதும்
காலம் கடந்த நட்புகள்
காதலாக உருமாறுவதும்
எழுதப்படாத நியதிகளாகிவிட்டன
காமம்
கலக்காத
காதல்களும்
பொருந்தா காதல்களும் கூட
தன்னை
நட்பாகவே வகைபடுத்திக்கொள்கின்றன !
காதலை நட்புக்காட்டி வழியனுப்புவதும்
நட்புக்குள் காதலை தேடிப் பார்ப்பதும்
நவயுக வாழ்வின்
நாகரீக சுவாரஸ்யங்களாகிவிட்டது
இதை உறவு இலக்கணங்களின் அறியாமை என்பதா?
இல்லை வரம்பு மீறல்களின் அரிதாரம் என்பதா?
பிரித்து பார்பதே கடினமாயினும்
கடவுளும் மதமும் வெவ்வேறே என்பது போல்
பிரித்து உணரவே முடியாதென்றாலும்
காதலும் நட்பும் வெவ்வேறே!
கடவுளின் அடையாளங்களை போலவே
நட்பின் தனித்துவமும்
மனிதர்களின் தேவைகளில் நசுங்கி
சுயமிழந்து விட்டது.
இனி வரும் தலைமுறை,
நாகரீகத்தின் பரிணாம வளர்ச்சியாய்
நாகரீகத்தின் பரிணாம வளர்ச்சியாய்
உறவுகளின் அடையாளங்களை சிதைக்குமாயின்
வேறொரு இயற்ககை சீற்றம் தேவையில்லை
மனித குலத்தை ஆழிக்க!!!!! - சத்யா
